əl-Bəqərə 2

﷽

Ayə 2

Bu, (Allah tərəfindən nazil edilməsinə, haqdan gəlməsinə) heç bir şəkk-şübhə olmayan, müttəqilərə (Allahdan qorxanlara, pis əməllərdən çəkinənlərə) doğru yol göstərən Kitabdır.

ذَٰلِكَ الْكِتَابُ لَا رَيْبَ ۛ فِيهِ ۛ هُدًى لِّلْمُتَّقِينَ

Təfsir

“Bu heç bir şəkk-şübhə olmayan, müttəqilərə doğru yol göstərən kitabdır.” (“Bəqərə” surəsi, 2-ci ayə). Əbu Bəsir İmam Sadiqin (ə) belə buyurduğunu nəql edir: “(Ayədəki) kitab İmam Əlidir (ə), onda heç bir şübhə yoxdur, “müttəqilərə doğru yol göstərən” (cümləsi isə) bizim şiələrimiz haqqındadır”.
Əbu Bəsir İmam Sadiqin (ə) belə buyurduğunu nəql edir: “Əlif, lam, mim” (“Bəqərə” surəsi, 1-ci ayə) Allahın ismi-əzəmindən olan bir hərfdir ki, Quranda səpələnmişdir. Onu Peyğəmbər (s) və imam bilir. Onun vasitəsilə Allaha dua etsələr, müstəcab olar (qəbul olunar). “Bu, (Allah tərəfindən nazil edilməsinə, haqdan gəlməsinə) heç bir şəkk-şübhə olmayan, müttəqilərə (Allahdan qorxanlara, pis əməllərdən çəkinənlərə) doğru yol göstərən Kitabdır” (“Bəqərə” surəsi, 2-ci ayə) ayəsi isə bizim şiələrimiz haqqındadır. “O kəslər ki, qeybə inanır, namaz qılır və onlara verdiyimiz ruzidən (ailələrinə, qohum-qonşularına və digər haqq sahiblərinə) sərf edirlər” (ayəsinin mənası budur ki,) bizim onlara (şiələrə) öyrətdiyimizdən (camaata) xəbər verərlər və Qurandan onlara öyrətdiyimizi tilavət edərlər”.
Əbu Bəsir İmam Sadiqin (ə) belə buyurduğunu nəql edir: “(“Bəqərə” surəsi, 2-ci ayədəki) “kitab” İmam Əlidir (ə) ki, onda heç bir şübhə yoxdur. “Müttəqilərə doğru yol göstərəndir” (cümləsi isə) bizim şiələrimiz haqqındadır”.

Bütün bölmələr

Hədis axtarQuran təfsiriMəsumlarRavilərKitabxanaSual-cavabTerminlərDualar

Copyright 2025 Hadis.Az