Kamiluz-ziyarat

Məsum

İmam Baqir (ə)

Ravi

İmam Baqir (ə) “Şübhəsiz ki, biz öz elçilərimizə və iman gətirənlərə həm dünyada, həm də şahidlərin şəhadət verəcəyi gündə (qiyamət günündə) yardım edəcəyik!” (“Ğafir” surəsi, 51-ci ayə) ayəsini oxudu və belə buyurdu: “Hüseyn ibn Əli (ə) də onlardandır. Lakin hələ də ona yardım edilməyib”. Sonra belə buyurdu: “Allaha and olsun, Hüseynin (ə) qatilləri öldürülüb. Lakin hələ də qisası alınmayıb”.

Kamiluz-ziyarat səhifə-68

Məsum

İmam Sadiq (ə)

Ravi

Əbu Harun

Əbu Harun belə deyir: “İmam Sadiqin (ə) evinə daxil oldum. İmam (ə) buyurdu: “(İmam Hüseyn (ə) barədə) mənim üçün şeir oxu”. Mən də oxudum. O belə buyurdu: “Bu cür yox. Onun qəbrinin yanında mərsiyə dediyin kimi”. Mən də oxudum... İmam Sadiq (ə) ağladı. (Evdə olan) qadınlar da fəryad qopardılar...”

Kamiluz-ziyarat səhifə-105

Məsum

İmam Sadiq (ə)

Ravi

İmam Sadiq (ə) buyurub: “Bizə üz vermiş müsibətlərə görə ürəyi kədərli olan şəxs öldükdə bizi görəcəyi gün elə sevinəcək ki, o sevinci Kövsər hovuzunun kənarında bizim yanımıza gəlib çatanadək qəlbindən getməyəcək”.

Kamiluz-ziyarat səhifə-109

Məsum

İmam Sadiq (ə)

Ravi

İmam Sadiq (ə) buyurub: “Bütün müqərrəb mələklər və mürsəl peyğəmbərlər Hüseyni (ə) ziyarət etməyi Allahdan istəyirlər. Onlardan bir qrupu (İmam Hüseynin (ə) qəbrini ziyarət etmək üçün) yerə enir, digər bir qismi isə (ziyarəti bitirib) göyə qalxır”.

Kamiluz-ziyarat səhifə-142

Məsum

İmam Baqir (ə)

Ravi

İmam Baqir (ə) buyurub: “Əgər insanlar Hüseynin (ə) qəbrinin ziyarətində nə qədər fəzilətin olduğunu bilsəydilər, arzularından ölər və həsrətdən canları çıxardı”.

Kamiluz-ziyarat səhifə-142

Məsum

İmam Sadiq (ə)

Ravi

İmam Sadiq (ə) buyurub: “Kim Hüseynin qəbrini şövqlə (oranı arzu edərək) ziyarət edərsə, Allahın hörmətli bəndələrindən olar və Allah Hüseyn ibn Əli (ə) ilə onu cənnətə daxil edənədək Hüseyn ibn Əlinin (ə) bayrağı altında olar”.

Kamiluz-ziyarat səhifə-143

Məsum

İmam Sadiq (ə)

Ravi

İmam Cəfər Sadiq (ə) buyurub: “Bir gün Peyğəmbər (s) otağında Hüseyn ibn Əlini (ə) oynadır və güldürürdü. Aişə dedi: “Ya Rəsulullah, sənin bu uşağa bu qədər şiddətli məhəbbətinin səbəbi nədir?” Rəsulullah (s) Aişəyə buyurdu: “Vay olsun sənə! Mən bu uşağı necə sevməyim və onu necə çox istəməyim? O mənim qəlbimin sevinci və gözümün nurudur. Ümmətim onu qətlə yetirəcək. Hər kim onu (Hüseyni) vəfatından sonra ziyarət edərsə, Allah o kəs üçün mənim həcc ziyarətimdən bir həcc ziyarətini yazar”.

Kamiluz-ziyarat səhifə-144

Məsum

İmam Sadiq (ə)

Ravi

İmam Sadiq (ə) buyurub: “Bizim şiələrimizdən Hüseyni (ə) ziyarət edən şəxs bütün günahları bağışlandığı halda geri dönər”.

Kamiluz-ziyarat səhifə-164

Məsum

İmam Sadiq (ə)

Ravi

İmam Sadiq (ə) buyurub: “Qiyamət günü elə bir şəxs olmayacaq ki, Hüseyni (ə) ziyarət edənlərə Allahın kəramətindən nələrin verildiyini gördükdə Hüseynin (ə) zəvvarlarından olmağı arzulamamış olsun”.

Kamiluz-ziyarat səhifə-165

Məsum

İmam Sadiq (ə)

Ravi

İmam Sadiq (ə) buyurub: “Hüseynin (ə) qəbrini ziyarət etməyən şəxs çoxlu xeyirdən məhrum olar”.

Kamiluz-ziyarat səhifə-185

Məsum

İmam Sadiq (ə)

Ravi

İmam Sadiq (ə) buyurub: “Hüseynin (ə) qəbrini ziyarət etməkdə bir-birinizlə yarışın və onu tərk etməyin. Çünki Hüseyn (ə) sizin üçün onu ziyarət etməyiniz barədə Allahın, Peyğəmbərin (s), Xanım Fatimənin (s) və Əmirəlmömininin (ə) yanında şahidlik edəcək”.

Kamiluz-ziyarat səhifə-185

Məsum

İmam Sadiq (ə)

Ravi

İmam Sadiq (ə) buyurub: “Hüseynin (ə) qəbrinin yanından ayrıldıqda nida edən elə bir nida edir ki, əgər onun nə dediyini eşitsəydin, bütün ömrün boyunca Hüseynin (ə) qəbrinin yanında qalardın. Nida edən belə deyir: “Xoş sənin halına, ey bəndə! Qəniməti əldə etdin və salamat qaldın. Artıq sənin bütün günahların bağışlandı. Yenidən əməl etməyə başla”.

Kamiluz-ziyarat səhifə-187

Bütün bölmələr

Hədis axtar Quran təfsiri Məsumlar Ravilər Kitabxana Sual-cavab Terminlər Dualar