A1000: Cabir ibn Yezid Cufi İmam Sadiqdən (ə) nəql edərək deyir: "Bir gün insanlar İmam Həsənin (ə) yanına gələrək dedilər: "Atanın göstərdiyi təəccüblü hadisələrdən bizə göstər". İmam Həsən (ə) soruşdu: "Buna inanacaqsınızmı ?" Dedilər: "Bəli, Allah-taalaya iman gətirəcəyik". İmam Həsən(ə) soruşdu: "Atamı tanıyırdınızmı?" Dedilər: "Bəli, tanıyırdıq". İmam Həsən(ə) yanındakı pərdəni qaldırdı. Hamı Möminlərin Əmirini (ə) oturmuş halda gördü. İmam Həsən (ə) soruşdu: "Onu tanıyırsınızmı?" Onların hamısı dedilər: "Allaha and olsun ki, bu, Möminlərin əmiridir(ə). Biz şəhadət veririk ki, sən ondan sonrakı imamsan. Belə ki, sən bizə Möminlərin əmirini (ə) ölümündən sonra canlı olaraq göstərdin". İmam Həsən (ə) buyurdu: "Siz Allah-taalanın belə buyurduğunu eşitmədinizmi? "Allah volunda öldürülənlərı (şəhid olanları) heç də ölü zənn etmə! Əsl həqiqətdə onlar diridirlər. Onlara Rəbbi yanında ruzi (cənnət ruzisi) əta olunur(Ali-İmran:169)" Allah yolunda öldürülən siravi bir insanın vəziyyəti budursa elə isə Bizim Vəziyyətimizin necə olmasını siz deyin. Dedilər: "İnandıq və söylədiklərini təsdiqlədik." 📚Hidayətul-Kübra səh:195(bakı ç:216) Səlamun Əleykum və rəhmətUllah bu hədis barədə müasir alimlərin görüşləri necədir ? Həmçinin bu hədisə biznillahla baxa bilərik ? Yəni Allahın izni ilə imam bu cür kəramət edə bilər..