İbn Babəveyh öz sənədi ilə Cabir ibn Abdullah Ənsaridən, o da Allah Rəsulundan (s) on iki imamın, (o cümlədən) Qaimin (İmam Mehdinin) zikr olunduğu bir hədisdə Allah Rəsulunun (s) belə buyurduğunu nəql edir: “Xoş olsun onun (İmam Mehdinin (ə)) qeybdə olduğu dövrdə səbir edənlərin halına! Xoş olsun onların məhəbbətində sabitqədəm qalanların halına! Allahın öz kitabında vəsf edib, haqlarında “O kəslər ki, qeybə inanır” (“Bəqərə” surəsi, 3-cü ayə) buyurduğu kəslər onlardır”. Sonra Peyğəmbər (s) buyurdu: “Onlar Allahın firqəsidirlər, bil ki, şübhəsiz, onlardır nicat tapan kəslər” (“Mücadələ” surəsi, 22-ci ayə).