Hədis elmlərində işlənən bu termin bəzən hədislə eyni mənada işlədilir. Bu sözün cəm forması isə “asar”dır. “Əsər” sözünün bu mənası əhli-sünnə hədis alimləri arasında daha çox işləndiyindən onların bir çox hədis kitablarının adında yer almışdır. Şiələr arasında isə bu termin hədis mənasında daha az işlənir. Şiə alimlərinin nəzərində bu termin əsasən səhabə və tabeinlər kimi qeyri-məsumdan nəql olunmuş xəbərlərə şamil edilir.